УИХ-ын чуулганы өнөөдрийн \2021.01.28\ нэгдсэн хуралдаанаар Засгийн газраас  2021 оны 01 дүгээр сарын 20-ны өдөр өргөн мэдүүлсэн Газрын тос боловсруулах үйлдвэрийг дэмжих тухай хуулийн төслийг хэлэлцэж байна. 

Хуулийн төсөлтэй холбогдуулан УИХ-ын гишүүд асуулт асууж, санал хэллээ.

УИХ-ын гишүүн Д.Ганбат:

"Газрын тосны асуудал маш чухал, импортын ихэнхийг эзэлдэг. Газрын тосноос болж дэлхий дахинд хямрал ч болдог. Газрын тосны үйлдвэртэй болох гэж байгаа нь чухал. Харин хэзээ ашиглалтад орох вэ?

Хөрөнгө оруулалт нь Энэтхэгийн зээлийн 1 тэрбум доллараар шийдэгдсэн. Энэ дүн явцдаа нэмэгдэх үү? тооцоо судалгаа бий юу?

Бид юм л болбол төр хийнэ гэдэг. 30 жилийн өмнө бид зах зээлийн нийгэм, хувийн өмчтэй байх замыг сонгосон. Хувийн хэвшлийн оролцоо, хөрөнгө оруулалтыг байлгаж болох уу? Ингэвэл хяналттай өгөөжтэй болно. Тэгэхгүй бол ард түмний нэрээр зээл авсан нь урсаад явах эрсдэлтэй. 

Б.Пүрэвдорж гишүүнээс чухал асуудал тавьсан. Газрын тос, бензин шатахуун орж ирэхдээ татвараас зугтаж өөр төрлдийн бүтээгдэхүүн оруулж ирээд хольж зардаг. Үүнээс болж иргэд машин техникээрээ хохирдог. Үүнийг энэ урт хугацаанд яагаад шалгаж тогтоогоогүй юм бэ? МХЕГ, хууль хүчний байгууллага юу хийсэн бэ? Өчигдөр энэ талаар мэдээллийн олонхийн нэг гишүүн нухацтай хэлж байгааг сонссон. Улс, иргэнтэйгээ хохирч байна. Хараа хяналт хаана байна вэ? хэн үүнийг хийгээд байна вэ? Үүнийг хийхэд сүлжээ, ар талтай хүн л ийм удаан хийж байгаа нь мэдээж. Татвар төлөгчийн мөнгөөр цалин авдаг хянаж шалгах хүмүүс нь юу хийж байна вэ?"

Түүний асуултанд УИХ-ын гишүүн Г.Тэмүүлэн хариуллаа. 

Сэтгүүлч

Редактор Ц.Соёлмаа soko@vip76.mn