УИХ-ын чуулганы өнөөдрийн \2021.12.23\ нэгдсэн хуралдаанаар Монгол Хятадын Замын-Үүд Эрээний эдийн засгийн хамтын ажиллагааны бүс байгуулах тухай Монгол Улсын Засгийн газар, Бүгд Найрамдах Хятад Ард Улсын Засгийн газар хоорондын хэлэлцээрийн төсөл соёрхон батлах тухай хуулийн төсөл-ийг соёрхон батлах тухай асуудлыг хэлэлцэв. Хэлэлцэж буй асуудалтай холбогдуулан гишүүд асуулт асуулаа. УИХ-ын гишүүн Н.Энхболд: Чөлөөт бүс хөрөнгө оруулалт татдаг гол салбар. Хятад улс далай орчмын хотуудаа чөлөөт бүс болгож өнөөдөр дэлхийн хоёр дахь эдийн засаг болчихсон явж байна. Одоо эрчимтэй ажиллах ёстой. Хятадын тал хөрөнгө мөнгөтэй ажлаа сайн хийнэ, манайх бас дутахгүй чөлөөт бүсээ хөгжүүлэх ажлаа сайн хийгээрэй. Тендер зарласан компаниудаа сайн сонгоорой. Гэрээ батлагдаад тэнд ажиллах компаниудаа ухаалаг сонгох хэрэгтэй. Нэг жишээ хэлэхэд шуудан ложистикийн DHL компани. Энэ компани өмнө нь Монгол компаниудтай өрсөлдөөд бараагүй гэсэн. Ийм зүйл хийж болохгүй. Ухаалаг ажиллах ёстой. Тэнд зөв сонголтоор сайн компани ороод ажил хийвэл төр оролцоод байх шаардлагагүй болно.
УИХ-ын чуулганы өнөөдрийн \2021.12.23\ нэгдсэн хуралдаанаар Монгол Хятадын Замын-Үүд Эрээний эдийн засгийн хамтын ажиллагааны бүс байгуулах тухай Монгол Улсын Засгийн газар, Бүгд Найрамдах Хятад Ард Улсын Засгийн газар хоорондын хэлэлцээрийн төсөл соёрхон батлах тухай хуулийн төсөл-ийг соёрхон батлах тухай асуудлыг хэлэлцэв. Хэлэлцэж буй асуудалтай холбогдуулан гишүүд асуулт асуулаа. УИХ-ын гишүүн Ё.Баатарбилэг: Чөлөөт бүсийн хууль гарснаас хойш Чөлөөт бүсийн үйл ажиллагаа явсангүй. Өмнө нь Замын-Үүдийн чөлөөт бүс гэж байгуулагдсан бүсээс хил дамнасан чөлөөт бүс болохоор ямар давуу тал гарах вэ? Манай улсын хүчин чадал ямар билээ.Урд хөрш ямар билээ. Гадны ямар сайн туршлага байна вэ? Хил дамнасан энэ бүсээс шалтгаалж хүч чадалтай улсын бизнес давамгайлахгүй юу? Ямар ямар үе шаттайгаар ямар ажил хийгдэх вэ? Хэзээ үр дүн гарах талаар судалгаа байна уу? Тоо, баримт хэрэгтэй байна. Түүний асуултад Монгол Улсын Шадар сайд С.Амарсайхан хариуллаа.
УИХ-ын чуулганы өнөөдрийн \2021.12.23\ нэгдсэн хуралдаанаар Монгол Улс, Олон улсын сэргээн босголт, хөгжлийн банк хоорондын зээлийн хэлэлцээрийг соёрхон батлах тухай хуулийн төслийг хэлэлцэж байна. Улаанбаатар хотын тогтвортой авто зам, тээвэр төслийг Дэлхийн банкны группийн Олон улсын сэргээн босголт, хөгжлийн банкны 100 сая ам долларын зээлийн санхүүжилтээр хэрэгжүүлнэ. Уг санхүүжилтээр “Улаанбаатар хотын тогтвортой авто зам, тээвэр төсөл”-ийг хэрэгжүүлэхээр бэлтгэл ажлыг хангасан байна. Хэлэлцэж буй асуудалтай холбогдуулан гишүүд асуулт асуулаа. УИХ-ын гишүүн Х.Болорчулуун: Монгол хүний Үндсэн хуулиндаа заагдсан эрүүл, аюулгүй орчинд амьдрах нөхцөл байдал байхгүй болсон. Энэ байдлаас зоригтой шийдвэр гаргаж байж гарахаас биш аядуу зөөлөн аргаар ч юмуу, хүмүүст таалагдсан байдлаар хандаад гарахгүй. Нийслэлийн удирдлагыг зоригтой шийдвэр гаргах хэрэгтэй байна, хууль тогтоомж гаргах бол Их хуралд оруулж ирэхэд цаг алдахгүй ажиллах хэрэгтэй. Нийслэлийн захирагч Д.Сумьяабазар нийслэлийг татвартай болгоё гэж байна. Нийслэлийн иргэнийг татвартай болговол нийслэлд албан ёсоор шилжиж ирэхгүй мөртлөө амьдраад байх хүн зөндөө бий болно. Одоо бол нийслэлд амьдардаг хүмүүсийн 30 орчим хувь нь тийм байгаа байх, ойролцоогоор бодоход. Улс орнуудын хөдөө рүү шилжиж амьдардаг, хөдөө орон нутаг мужууддаа амьдардаг боломжийг сайн судлах хэрэгтэй. Сөүл ч тэр, Берлин ч тэр мужуудаасаа бензин нь 20 хувиар үнэтэй байдаг. Дагаад суурь зүйлсийнх нь үнэ нэмэгдэнэ. Хөдөө рүү шилжинэ, хөдөөд амьдрах шилжилт хөдөлгөөн бий болно. Ийм эдийн засгийн хөшүүргийг хэрэглэх хэрэгтэй байна. Бээжин хот 10 жилийн өмнө ямар их бохирдолтой байлаа. Үйлдвэрлэлийг гаргасан. Ялангуяа бид нар хөдөө аж ахуйн арьс шир, ноос угаах үйлдвэрүүдийг нийслэлээсээ гаргах хэрэгтэй. Ноолуурыг бол нэгт тансаг хэрэглээ, хоёрт нэгэнт баригдсан үйлдвэр учраас гаргахад хүндрэлтэй. Тэгэхэд хөдөөнөөс арьс шир, ноос ачиж ирээд Туулыг бохирдуулж энд ажиллаж байгаад эргээд аймгуудын боомтуудаар гарч байна. Илүү зардал гарч байна гэх мэтийн эдийн засгийн хөшүүргүүдийг зайлшгүй хэрэглэх хэрэгтэй гэдгийг хэлье. Импортын машин байна. нийслэлд явах эсэх, явсан ч яаж явах гэх мэтийн зохицуулалт гэх мэтчилэн нийслэлийн удирдлагууд хийхээр төлөвлөсөн дорвитой алхам, шийдвэрүүд байна вэ гэдгийг асууя.
УИХ-ын чуулганы өнөөдрийн \2021.12.23\ нэгдсэн хуралдаанаар Монгол Улс, Олон улсын сэргээн босголт, хөгжлийн банк хоорондын зээлийн хэлэлцээрийг соёрхон батлах тухай хуулийн төслийг хэлэлцэж байна. Улаанбаатар хотын тогтвортой авто зам, тээвэр төслийг Дэлхийн банкны группийн Олон улсын сэргээн босголт, хөгжлийн банкны 100 сая ам долларын зээлийн санхүүжилтээр хэрэгжүүлнэ. Уг санхүүжилтээр “Улаанбаатар хотын тогтвортой авто зам, тээвэр төсөл”-ийг хэрэгжүүлэхээр бэлтгэл ажлыг хангасан байна. Хэлэлцэж буй асуудалтай холбогдуулан гишүүд асуулт асуулаа. УИХ-ын гишүүн Х.Ганхуяг: Зээлийг дэмжиж байгаа. 10-н жилийн өмнө л 1200 байсан нийтийн тээврийн тоо өнөөдөр хэвээр байгаагаас үүдэн хүртээмж хангалтгүй, иргэд 2,3-н цаг гадаа хүйтэнд автобус хүлээж зогсох нь хэвийн үзэгдэл мэт боллоо. Түүнчлэн шинээр ашиглалтанд орж байгаа томоохон хотхон хорооллууд сургууль, цэцэрлэгтэй төлөвлөдөг ч бодит байдал дээр баригдадгүй, иргэд өөр хороо дүүрэгт хүүхдүүдээ зөөхөөс өөр аргагүй нөхцөл байдалтай байна. Зам тээвэр хариуцсан орлогч болон бусад дарга нараа автобусаар явуулах хэрэгтэй. Иргэд автобус хүлээж, даарч байна. Үүнийг биеэрээ мэдрээгүй хүмүүс ойлгохгүй. Энэ асуудалд анхаарал хандуулж өгөөч. Түүний асуултад Нийслэлийн Засаг дарга бөгөөд Улаанбаатар хотын захирагч Д.Сумъяабазар хариуллаа.
УИХ-ын чуулганы өнөөдрийн \2021.12.23\ нэгдсэн хуралдаанаар Монгол Улс, Олон улсын сэргээн босголт, хөгжлийн банк хоорондын зээлийн хэлэлцээрийг соёрхон батлах тухай хуулийн төслийг хэлэлцэж байна. Улаанбаатар хотын тогтвортой авто зам, тээвэр төслийг Дэлхийн банкны группийн Олон улсын сэргээн босголт, хөгжлийн банкны 100 сая ам долларын зээлийн санхүүжилтээр хэрэгжүүлнэ. Уг санхүүжилтээр “Улаанбаатар хотын тогтвортой авто зам, тээвэр төсөл”-ийг хэрэгжүүлэхээр бэлтгэл ажлыг хангасан байна. Хэлэлцэж буй асуудалтай холбогдуулан гишүүд асуулт асуулаа. УИХ-ын гишүүн О.Цогтгэрэл: "Авто зам тогтвортой байна" гэсэн нэрнээс эхлээд асуудал байна.Түгжрэл хүнд асуудал ч үүний цаана тодорхой тоо байдаг. Иймд шийдэл харж ажиллах ёстой. Түгжрэлийг бууруулахад ямар төлөвлөгөөтэй ямар ажил хийхээр байгаа вэ? Том зургаараа хэзээ юу хийгдэх вэ? 100 сая доллараар юу хийх гэж байна вэ? Бодлого буруу харагдаад байгаа юм биш үү? Зам өргөтгөнө, ухаалаг системд шилжүүлнэ гэсэн тодорхойгүй хоёр зүйл байна. Энэ зээл цаашдаа хариуцагч нь өөрөө хариуцах тал дээр яаж анхаарах вэ? Улсын төсөв дээр ингээд явах нь зөв үү? Түүний асуултад Сангийн сайд Б.Жавхлан болон албаны бусад хүмүүс хариуллаа.
